> > >   Flowers of the Forest   < < <
                    page is provided by Robert Murray Stamp Shop
Sponsors of this site

Flowers of the Forest

I've heard them liltin', at the ewe milkin,'

Lasses a-liltin' before dawn of day.

Now there's a moanin', on ilka green loanin'.

The flowers of the forest are a' wede away.

As boughts in the mornin', nae blithe lads are scornin',

Lasses are lonely and dowie and wae.

Nae daffin', nae gabbin', but sighin' and sobbin',

Ilk ane lifts her leglin, and hies her away.

At e'en in the gloamin', nae swankies are roamin',

'Mang stacks wi' the lasses at bogle to play.

But ilk maid sits drearie, lamentin' her dearie,

The flowers of the forest are a' wede away.

In har'st at the shearin' nae youths now are jeerin'

Bandsters are runkled, and lyart, or grey.

At fair or at preachin', nae wooin', nae fleecin',

The flowers of the forest are a' wede away.

Dool for the order sent our lads to the Border,

the English for ance by guile wan the day.

The flowers of the forest, that fought aye the foremost,

The prime of our land lie cauld in the clay.

We'll hae nae mair liltin', at the ewe milkin',

Women and bairns are dowie and wae.

Sighin' and moanin' on ilka green loanin',

The flowers of the forest are all wede away.

Bob Murray's Song Book
Please see index page for some general notes, and list of songs.

Bob Murray [Email the writer.] 
Page created Tuesday 16 December 2003. Last updated Friday 3 October 2014.
Copyright Robert Murray 2003 to 2014 (any valid copyright remains with the lawful copyright holder - copyright claimed here is for this web page, and accompanying notes, chords, etc.