Robert Murray Stamp Shop, Edinburgh
Established 1977
Retail shop, auctioneers, mail order
www.stamp-shop.com


Song Book Index

THE WILD GEESE
Words Violet Jacob; music Jim Reid;

G            "Oh tell me whit was on your road
C G        You roarin Norlan wind,
G            As ye cam blawin' frae the land
C D7      That's never frae my mind,
G            My feet they traivel England
C D7      But I'm deein for the North."
C            "My man I've seen the siller tides
C D7 G   Run up the Firth o Forth."


"Oh wind I ken them weel enough
And fine they fall and rise,
And fain I saw the creepin mist
On yonder shore that lies,
But tell me as ye passed them by,
Whit saw ye on the way?"
"My man I rocked the rovin' gulls
That sail abune the Tay."

"But saw ye naething, leein wind
Afore ye cam tae Fife?
For there's muckle lying yont the Tay
That's mair tae me nor life."
"My man I've swept the Angus braes
Ye havna trod for years."
"Oh wind, forgi'e a hameless loon
That canna see for tears."

"And far beyond the Angus straths
I saw the wild geese flee,
A lang, lang skein o beatin wings
Wi their heids towards the sea
And aye their cryin' voices trailed
Ahint them on the air..."
"Oh wind, hae mercy, hud yer whisht,
For I daurna listen mair."