51st Highland Division's Farewell to Sicily

(Em drone)
The pipie is dozie, the pipie is fey
He willnae be roun for his vino the day
The sky owre Messina is unco an gray
An a the bricht chaumers are eerie

Farweill ye banks o Sicily
Fare ye weill ye valley an shaw
There's nae Jock will mourn the kyles o ye
Puir bliddy swaddies are wearie
Farweill ye banks o Sicily
Fare ye weill ye valley an shaw
There's nae hame can smoor the wiles o ye
Aa the bricht chaumers are eerie

Then doun the stair an line the watterside
Wait yer turn the ferry's awa
Then doun the stair an line the watterside
Aa the bricht chaumers are eerie

The drummie is polisht, the drummie is braw
He cannae be seen for his wabbin ava
He's beezed himsell up for a photie an aa
Tae leave wi his Lola, his dearie

Farweill ye banks o Sicily
Fare ye weill ye sheilin an haa
We'll aa mind shebeens an bothies
Whaur kind signorinas were cheerie
Farweill ye banks o Sicily
Fare ye weill ye sheilin an haa
We'll aa mind shebeens an bothies
Whaur Jock made a date wi his dearie